लमजुङमा एकै वर्षमा थपिए दुई सय १८ उद्योग : बजारी क्षेत्रमा पसलको संख्यामा वृद्धि

२०८१ भाद्र ५, बुधबार मा प्रकाशित १ साल अघि

लमजुङ-लमजुङमा एक वर्षमा दुई सय १८ वटा नयाँ घरेलु उद्योग थपिएका छन् । पर्यटन तथा उद्योग कार्यालयमा आर्थिक वर्ष ०८०/८१ को साउनबाट असार मसान्तसम्ममा नयाँ घरेलु उद्योग दर्ता भएको कार्यालय प्रमुख मिताकुमारी थापाले जानकारी दिनुभयो ।

उहाँका अनुसार सो अवधिमा चार सय १२ उद्योग नवीकरण भएका छन् । एक सय ७६ वटा उद्योग वाणिज्यमा दर्ता भएका छन् भने पाँच सय ५२ नवीकरण भएका छन् । अघिल्लो आव ०७९/८० मा दई सय ९१ घरेलु उद्योग दर्ता भएका थिए । अघिल्लो वर्षको तुलनामा गत आवमा उद्योग दर्ता कम भएको हो ।

सोही आवमा दुई सय आठ वाणिज्यमा दर्ता भएका थिए भने पाँच सय १८ वटा नवीकरण भएका थिए । त्यस्तै, आव ०७८/७९ को साउनदेखि असारसम्म ६ सय ८५ घरेलु उद्योग दर्ता भएका थिए । उक्त अवधिमा दुई सय ८२ घरेलु उद्योगको नवीकरण भएको थियो । बेसीसहर, सुन्दरबजार, भोटेओडार, सोती पसल भोर्लेटारलगायतका स्थानमा पसलको संख्या वृद्धि भएको उहाँले बताउनुभयो ।