‘तेश्रो राइनास कप’को विजेता तार्कुघाट युनेस्को क्लव : उप-विजेता बन्यो रोयल फ्रेण्डसिप लमजुङ

२०८० माघ ६, शनिबार मा प्रकाशित १ साल अघि

लमजुङ–लमजुङको राइनास नगरपालिका वडा नं. ६ स्थित गौलिटार क्षेत्रीय खेलमैदानमा संचालित ‘तेस्रो राइनास कप–२०८० खुल्ला फुटबल प्रतियोगिता’को उपाधी तार्कुघाट युनेस्को क्लवले हात पारेको छ ।

आज (शनिवार) तार्कुघाट युनेस्को क्लव र रोयल फ्रेण्डसिप लमजुङ गरमबेसी बिच भएको फाइनल खेलमा ट्राइ ब्रेकरमा ३ का विरुद्ध पाँच गोल गर्दै तार्कुघाट युनेस्को क्लवले प्रतियोगिताको उपाधी हात पारेको हो ।

विजेता तार्कुघाट युनेस्कोले नगद ३ लाख सहित, ट्रफि, मेडल र प्रमाणपत्र पुरस्कार प्राप्त गरेको छ । उपविजेता रोयल फ्रेण्डसिप लमजुङले नगद १ लाख ५० हजार सहित ट्रफि, मेडल प्रमाणपत्र पाएको छ । प्रतियोगिता अवधीभर ८ गोल गरी तार्कुघाट युनेस्को क्लवका सुमित श्रेष्ठ सर्वाधिक गोल कर्ता घोषित हुनुभएको छ ।

श्रेष्ठले गोल्डेन बुट र नगद ७ हजार ५ सय रुपैयाँ पुरस्कार पाउनुभएको छ । यस्तै, रोयल फ्रेण्डसिप लमजुङका सन्तोष गुरुङले सर्वोत्कृष्ट खेलाडी र तार्कुघाट युनेस्कोका सन्तोष महतले उत्कृष्ट गोररक्षकको उपाधी हात पार्नुभएको छ । दुवै खेलाडीलाई जनही नगद ७ हजार पाँच सय र ट्रफि पुरस्कार प्रदान गरिएको छ ।

प्रतियोगितामा सेमिफाइनलसम्म पुग्न सफल चेपे आर्दश युवा क्लव र कालिका युवा क्लवलाई नगद ३०\३० हजार पुरस्कार प्रदान गरिएको छ ।
प्रतियोगिताका विजयी टिम तथा खेलाडीलाई नेपाली कांग्रेस लमजुङकासभापति एवं गण्डकी प्रदेश सभा सदस्य डा. टकराज गुरुङ, जिल्ला समन्वय समिति लमजुङका प्रमुख पूर्णवहादुर गुरुङ, राइनास नगरपालिका प्रमुख खड्गवहादुर गुरुङ, उप–प्रमुख पुष्पराज खनाल, नेपाली कांग्रेस लमजुङका पुर्व सभापति तुलसी नारायण श्रेष्ठ, आयोजक गौलिटार क्षेत्रिय खेल मैदान समिति अध्यक्ष किरण श्रेष्ठले संयुक्त रुपमा पुरस्कार वितरण गर्नुभएको थियो । कार्यक्रमको सञ्चालन आयोजक क्लवका सहयोगी सुरज गिरीले गर्नुभएको हो ।

गौलीटार क्षेत्रीय खेलमैदान समितिले माघे सक्रान्तिको अवसरमा यसवर्ष राईनास कपको तेश्रो संस्करण अयोजना गरेको हो । माघ १ गतेदेखि सुरु भएको प्रतियोगितामा १६ फुटबल समूह सहभागि थिए ।