लमजुङ-लमजुङको सुन्दरबजार नगरपालिका ७ पाउँदीस्थित होटल राइनास होमको सभाहलमा वीत्तिय साक्षरता कार्यक्रम संचालन गरिएको छ । लमजुङको सिउँडीबारमा रहेको डिप्रोक्स सिउँडीबार शाखाको आयोजनामा सोमबार यस कार्यक्रम संचालन गरिएको हो ।
कार्यक्रममा सहभागीहरुलाई डिप्रोक्स गण्डकी प्रदेशका प्रमुख रमेशबाबु कट्टेलले वीत्तिय साक्षरतासम्बन्धी जानकारी गराउनुभएको हो ।
कार्यक्रममा डिप्रोक्स सिउँडीबार शाखाअन्तर्गत १ सय ९२ केन्द्रमध्ये ४८ केन्द्र प्रमुखहरुको सहभागिता रहेको थियो । उहाँहरुलाई कट्टेलले वचत, कर्जाको उपयोगिता, डिजिटल बैंकिङका साथै संस्थाको गतिविधिका विषयमा जानकारी गराउनुभएको थियो ।
डिप्रोक्स सिउँडीबार शाखाको गतिविधिका विषयमा शाखा प्रबन्धक रस्मिता खनालले जानकारी गराउनुभएको थियो । संस्थाका रविन रसाइलीले स्वागत गर्नुभएको कार्यक्रममा संस्थाकी संगिता सापकोटाले कार्यक्रमको सहजीकरण गर्नुभएको थियो । कार्यक्रम सान्दर्भिक र प्रभावकारी रहेको सहभागीहरुले बताएका छन् । केन्द्र प्रमुख २९ का सदस्य इन्दिरा न्यौपानेको अध्यक्षतामा कार्यक्रम भएको हो ।
संस्थाले कृषि, पशुपालन, व्यापार, व्यवसाय लगायतका उत्पादन एवं व्यवसायिक क्षेत्रमा लगानी गर्दै आएको छ ।
समुन्नती अनलाईन डट कमका लागि
प्रकाशक/सम्पादक :
श्यामशितल परियार
आमा केशरी न्यू मिडिया हब
केन्द्रीय कार्यालय:
सुन्दरबजार नगरपालिका-६ लमजुङ
९८४३३९१५४५
प्रतिक्रिया दिनुहोस