लमजुङको राइनास नगरपालिका–१० द्धारा आरन सुधारका सामग्री वितरण

२०८२ अषाढ २३, सोमबार मा प्रकाशित १ साल अघि

लमजुङ-लमजुङको राइनास नगरपालिका वडा नं १० ले आरन सुधारका सामग्री वितरण गरेको छ । परम्परागत रुपमा लामो समयदेखी आरन व्यवसाय संचालन गर्दै आएका व्यक्तिहरुलाई आरन सुधारका सामग्री वितरण गरिएको वडा अध्यक्ष लक्ष्मण गुरुङले जानकारी दिनुभयो ।

‘पुख्र्यौली पेशा संरक्षणका साथै समय र श्रमको पनि वचत हुने भएकोले आरन व्यवसाय संचालन गर्दै आएका व्यक्तिहरुलाई आरनमा प्रयोग हुने आधुनिक सामग्री दिइएको हो,’ वडाअध्यक्ष गुरुङले भन्नुभयो ।

आगामी दिनमा यस्ता कार्यलाई निरन्तरता दिइने वडा कार्यालयले जनाएको छ ।